नेप्सेमा दोहोरो अंकको गिरावट, कारोबार रकम पनि घट्यो

सेयर गर्नुहोस्

काठमाडौं । नेप्से परिसूचक आज ३२.४१ अंकले घटेको छ ।

आज १.२२ प्रतिशतले घट्दै नेप्से २६३२.२० विन्दुमा रोकिएको हो । आज १ करोड ३७ लाख ८७ हजार २१८ कित्ताको किनबेचमा ५ अर्ब ७७ करोड २२ लाख ५१ हजार २०३ रूपैयाँ कारोबार भएको छ । मंगलबारभन्दा यो कारोबार १६ करोडले कमी हो ।

आज नेपाल इन्फ्रास्ट्रकचर बैंक (नीफ्रा) को सबैभन्दा बढी २५ करोड बराबरको कारोबार भएको छ । यसैगरी २२ करोड रूपैयाँ बराबर हिमाल दोलखा हाइड्रोपावरको सेयर कारोबार भएको छ ।

यसैगरी नागरिक लगानी कोषको १८ करोड बराबरको कारोबार भयो । नेप्से परिसूचक घटे पनि ज्योती लाइफ इन्स्योरेन्स, महिला लघुवित्त, ग्रीन डेभलपमेण्ट बैंक र हिमाल दोलखा हाइड्रो पावर कम्पनीको सेयर मूल्यमा सकारात्मक सर्किट लाग्यो । म्यूचल फण्डबाहेक सबै नेप्से उप-परिसूचक रातो भएका छन् ।

Leave a Reply

Your email address will not be published. Required fields are marked *

shares